Finance Committee

Y Pwyllgor Cyllid

 

 

 

 

 

 

 

 

I’r ymgyngoreion ar y rhestr atodedig

 

 

 

 

 Bae Caerdydd

Caerdydd

CF99 1NA

 

Awst 2012

Annwyl Gyfeillion,

 

Galwad am wybodaeth – Cynigion cyllideb ddrafft Llywodraeth Cymru ar gyfer 2013-14

 

Mae pwyllgorau Cynulliad Cenedlaethol Cymru yn galw am wybodaeth i gynorthwyo gyda’r gwaith o graffu ar Gynigion Cyllideb Ddrafft Llywodraeth Cymru ar gyfer 2013-14. Mae gennym ddiddordeb mewn ymchwilio i’r disgwyliadau o ran dyraniadau’r gyllideb, yn arbennig yng ngoleuni’r cynnydd a wnaed mewn cysylltiad ag ymrwymiadau ‘Rhaglen Lywodraethu’ Llywodraeth Cymru, a gwybod a oes gennych bryderon ynghylch ymrwymiadau/dyraniadau penodol, a ble yr hoffech weld adnoddau’n cael eu canolbwyntio fwyaf, neu feysydd penodol yr hoffech eu gweld yn cael blaenoriaeth.

Nid ydym yn gwybod ar hyn o bryd beth fydd cynigion y gyllideb ddrafft, gan na fyddant yn cael eu cyhoeddi tan fis Hydref 2012. Fodd bynnag, cyhoeddwyd Adroddiad Blynyddol y Rhaglen Lywodraethu ym mis Mai 2012, ac mae hwn yn dangos y cynnydd a wnaed yn ôl ymrwymiadau’r Llywodraeth. Yn ychwanegol at hyn, cyhoeddwyd dyraniadau dangosol ar gyfer y flwyddyn ariannol 2013-14 yng Nghyllideb Derfynol 2013-14.

Nodwyd pedwar cwestiwn penodol gennym yn y papur hwn. Gallwch ateb unrhyw un neu bob un o’r cwestiynau, neu gallwch roi gwybod i ni am eich pryderon a’ch disgwyliadau o ran y gyllideb ddrafft yn gyffredinol.

Mae’r Pwyllgor Cyllid yn edrych ar gyllideb Llywodraeth Cymru o safbwynt strategol a chyffredinol. Rydym hefyd yn cydweithio â phwyllgorau eraill y Cynulliad i sicrhau y caiff cynigion ar gyfer portffolios Gweinidogol penodol eu hystyried yn fanwl. Bydd y pwyllgorau yn cynnal sesiynau i ganolbwyntio ar dystiolaeth gan y Gweinidogion perthnasol er mwyn archwilio i’r agweddau ar y gyllideb sydd o fewn eu cylchoedd gwaith hwy, ac wedyn yn cyflwyno adroddiad i’r Pwyllgor Cyllid, gan amlinellu unrhyw bryderon sydd ganddynt.

Mae rhai pwyllgorau hefyd yn cynnal ymarferion ymgysylltu â rhanddeiliaid sy’n ymwneud â phynciau penodol, ac yn cynnal sesiynau ‘speed-dating’, trafodaethau â rhanddeiliaid, ac yn ymgysylltu â phobl ifanc.

Cynhelir yr ymgynghoriad hwn i lywio gwaith y Pwyllgor Cyllid a phwyllgorau eraill y Cynulliad. Os bydd y wybodaeth a ddarperir gennych yn gysylltiedig â maes penodol, byddwn yn anfon y wybodaeth honno at y pwyllgor(au) priodol er mwyn llywio eu gwaith craffu hwy ar waith Gweinidogion unigol.

Ceir rhagor o wybodaeth am y pwyllgorau hyn, ynghyd â gwybodaeth gefndir am y Pwyllgor Cyllid, beth yw cyllideb ddrafft Llywodraeth Cymru, a lle y gallwch weld ffigurau dangosol Llywodraeth Cymru ar gyfer 2013-14 yn atodiad 1.

 

Darparu gwybodaeth i’r Pwyllgor

 

Gwahoddir pawb sydd â diddordeb i gyflwyno tystiolaeth ysgrifenedig i Glerc y Pwyllgor Cyllid yn y cyfeiriad uchod, i gyrraedd erbyn dydd Gwener, 14 Medi 2012. Os ydych yn dymuno cyfrannu ond yn pryderu na fydd modd i chi wneud hynny cyn y dyddiad cau, gallwch siarad â Chlerc y Pwyllgor ar 029 2089 8597.

 

Os yw’n bosibl, anfonwch gopi electronig ar fformat MS Word neu Rich Text, drwy e-bost at Pwyllgor.Cyllid@cymru.gov.uk erbyn dydd Gwener, 14 Medi 2012.

 

Dylech ddechrau eich cyflwyniad drwy ddarparu rhywfaint o wybodaeth amdanoch eich hun, neu’ch sefydliad, cyn amlinellu eich safbwyntiau a’ch profiadau mewn cysylltiad â rhai neu’r cyfan o’r meysydd canlynol.

 

Yr hyn yr hoffem ei gael gennych: cwestiynau’r ymgynghoriad

  1. O edrych ar y dyraniadau dangosol ar gyfer cyllideb 2013-14, a oes gennych unrhyw bryderon o safbwynt strategol a chyffredinol?
  2. O edrych ar y dyraniadau dangosol ar gyfer cyllideb 2013-14, a oes gennych unrhyw bryderon ynghylch meysydd penodol?
  3. Pa ddisgwyliadau sydd gennych o ran cynigion y gyllideb ddrafft ar gyfer 2013-14? Pa ymrwymiadau a blaenoriaethau gwariant yr hoffech eu gweld yng nghynigion y gyllideb ddrafft ar gyfer 2013-14?
  4. Mae Llywodraeth newydd Cymru wedi cyhoeddi ei Rhaglen Lywodraethu. Byddwn yn defnyddio’r ddogfen hon i arwain ein gwaith o graffu ar y gyllideb ddrafft ar gyfer 2013-14. Pa newidiadau a fyddech yn eu cynnig er mwyn sicrhau bod y gyllideb yn cyflawni’r amcanion a nodir yn y Rhaglen Lywodraethu?

Mae’r Pwyllgor wedi gwahodd cyfraniadau gan y rhai sydd ar y rhestr ddosbarthu atodedig (Atodiad 2). Fodd bynnag, byddem yn ddiolchgar pe baech yn anfon copi o’r llythyr hwn ymlaen at unrhyw unigolion neu sefydliadau nad ydynt ar y rhestr ond a fyddai am gyfrannu o bosibl. Rhoddwyd copi o’r llythyr hwn ar wefan y Cynulliad Cenedlaethol, ynghyd â gwahoddiad agored i gyflwyno sylwadau.

Datgelu gwybodaeth

 

Dylai tystion fod yn ymwybodol y caiff unrhyw dystiolaeth ysgrifenedig a gyflwynir i’r Pwyllgor ei thrin fel eiddo’r Pwyllgor. Caiff papurau ysgrifenedig eu cyhoeddi ar wefan y Pwyllgor, a gallent gael eu hargraffu wedyn gyda’r adroddiad. Ni fydd y Cynulliad Cenedlaethol yn cyhoeddi gwybodaeth a ystyrir yn ddata personol.

 

Fodd bynnag, os ceir cais am wybodaeth a gyflwynwyd o dan Ddeddf Rhyddid Gwybodaeth 2000, efallai y bydd angen datgelu’r wybodaeth a ddarperir gennych. Gall hyn gynnwys gwybodaeth a ddilëwyd cyn hynny gan y Cynulliad Cenedlaethol at ddibenion cyhoeddi.

 

Os byddwch yn darparu unrhyw wybodaeth, ac eithrio data personol, nad yw’n addas i’w datgelu i’r cyhoedd yn eich barn chi, neu os nad ydych yn dymuno i’ch enw, fel awdur y dystiolaeth, gael ei datgelu, rhaid nodi hyn yn glir. Eich cyfrifoldeb chi fydd nodi pa rannau o’r dystiolaeth na ddylent gael eu cyhoeddi, a rhoi dadl resymol dros hynny. Bydd y Cynulliad Cenedlaethol yn ystyried hyn wrth gyhoeddi gwybodaeth neu wrth ymateb i geisiadau am wybodaeth.

 

Ceir rhagor o wybodaeth am y Pwyllgor Cyllid a’i alwad am wybodaeth yn: www.cynulliadcymru.org

 

Yn gywir

 

Jocelyn Davies

Cadeirydd, y Pwyllgor Cyllid

 

Atodiad 1- Gwybodaeth gefndir

 

Pwy ydym ni?

Pwyllgor trawsbleidiol o Gynulliad Cenedlaethol Cymru yw’r Pwyllgor Cyllid, sy’n cynnwys Aelodau o’r pedair plaid wleidyddol a gynrychiolir yn y Cynulliad.

 

Nid yw’r Pwyllgor yn rhan o Lywodraeth Cymru. Yn hytrach, mae’r Pwyllgor yn gyfrifol am gyflwyno adroddiad ar gynigion a osodir gerbron y Cynulliad gan Weinidogion Cymru mewn perthynas â defnyddio adnoddau.

 

Pa bwyllgorau eraill sy’n craffu ar y gyllideb?

Y pwyllgorau eraill sy’n craffu ar y gyllideb yw:

 

Beth yw cyllideb ddrafft Llywodraeth Cymru?

 

Rhaid i gynigion y gyllideb ddrafft gynnwys manylion ynghylch faint o adnoddau y mae Llywodraeth Cymru yn cynnig eu defnyddio yn ystod y flwyddyn ariannol ddilynol a ffigurau dangosol ar gyfer y ddwy flwyddyn ariannol ar ôl hynny. Yn fwy penodol, dylai amlinellu gwybodaeth ynghylch:

 

·         yr adnoddau sy’n cael eu defnyddio gan Lywodraeth Cymru, Comisiwn y Cynulliad, yr Archwilydd Cyffredinol a’r Ombwdsmon Gwasanaethau Cyhoeddus.

 

·         incwm sydd i gael ei gadw gan y sefydliadau hynny (yn hytrach na chael ei ildio i Gronfa Gyfunol Cymru).

 

·         yr arian parod sydd i’w dynnu o Gronfa Gyfunol Cymru gan y sefydliadau hynny.

 

Dros y blynyddoedd diwethaf, mae Llywodraeth Cymru hefyd wedi darparu dogfen naratif sy’n rhoi eglurhad pellach o’r dyraniadau manwl i adrannau’r Llywodraeth, yn ogystal â chronfeydd wrth gefn a dyraniadau cyffredinol eraill.

 

 

 

 

 

 

Pam nad ydym yn cynnal yr ymgynghoriad hwn ar ôl i gynigion cyllideb ddrafft Llywodraeth Cymru gael eu cyhoeddi?

 

Ni fydd ymateb i’r ymgynghoriad hwn yn eithrio rhanddeiliaid rhag hefyd ddarparu gwybodaeth, tystiolaeth, pryderon ac awgrymiadau ynghylch meysydd craffu posibl i bwyllgorau Cynulliad Cenedlaethol Cymru ar ôl i’r cynigion ynghylch cyllideb ddrafft Llywodraeth Cymru gael eu cyhoeddi (ar 2 Hydref 2012).

Fodd bynnag, fel arfer bydd pwyllgorau yn dechrau ar y gwaith o graffu ar waith Gweinidogion Cymru ynghylch cynnwys y gyllideb ddrafft wythnos neu bythefnos ar ôl iddi gael ei chyhoeddi, gyda’r bwriad o gyflwyno eu casgliadau i’r Pwyllgor Cyllid ddiwedd mis Hydref. Mae’n ofynnol i’r Pwyllgor Cyllid gyflwyno ei adroddiad ei hun ar y gyllideb ddrafft erbyn 8 Tachwedd.

Golyga hyn fod yr amser sydd ar gael i randdeiliaid leisio eu pryderon i’r pwyllgorau yn brin fel arfer (wythnos neu ddwy). Wrth ymgynghori yn awr, gobeithiwn y bydd gan randdeiliaid fwy o amser i ystyried effaith bosibl y gyllideb.

Beth yw’r dyraniadau dangosol ar gyfer 2013-14?

 

Gellir lawrlwytho Cyllideb Derfynol Llywodraeth Cymru 2012-13 yma, gan gynnwys dyraniadau dangosol ar gyfer 2013-14, ynghyd â dogfennau esboniadol:

http://wales.gov.uk/funding/budget/finalbudget1213/;jsessionid=8JKDQQpXSf1m8TfnvZ634yBxywmnkrp5JjDQ2sGf10tZJtJv8DLn!545803488?lang=en&status=open

 

 

Gellir gweld adroddiad cynnydd diweddaraf Llywodraeth Cymru ar y Rhaglen Lywodraethu yma:

http://wales.gov.uk/about/programmeforgov/;jsessionid=8JKDQQpXSf1m8TfnvZ634yBxywmnkrp5JjDQ2sGf10tZJtJv8DLn!545803488?lang=en&status=open

 

 

 

 

 

 

 

 

 

 

 

Atodiad 2

 

Y rhestr o ymgyngoreion

 

Bwrdd Iechyd Prifysgol Abertawe Bro Morgannwg

Gweithredu dros Blant

Cymdeithas Cyfarwyddwyr Addysg Cymru

Age Cymru

Cymdeithas Lleiafrifoedd Ethnig Cymru Gyfan

Bwrdd Iechyd Aneurin Bevan

Rhwydwaith Gwrth-dlodi Cymru

Cyngor Celfyddydau Cymru

Grŵp Menywod Asiaidd

Cymdeithas Cyfarwyddwyr Gwasanaethau Cymdeithasol Cymru

Cymdeithas Athrawon a Darlithwyr Cymru

Cymdeithas Lles Pobl o Bangladesh

Barnardos Cymru

Bwrdd Iechyd Prifysgol Betsi Cadwaladr

Sefydliad Bevan

Cronfa Loteri Fawr Cymru

Black Association of Women Stepping Out

Rhwydwaith Amgylchedd Pobl Dduon

Rhwydwaith Sector Gwirfoddol i Bobl Groenddu Cymru

Bwrdd Cynghorau Iechyd Cymuned Cymru 

Cymdeithas Gweithwyr Cymdeithasol Prydain yng Nghymru

Y Gymdeithas Ddeintyddol Brydeinig

Y Gymdeithas Feddygol Brydeinig

Y Gymdeithas Orthodonteg Brydeinig

Y Groes Goch Brydeinig

Busnes mewn Ffocws

Gwasanaeth Cynghori a Chynorthwyo Llys i Blant a Theuluoedd

Uwch Ranbarth Twristiaeth

Ymddiriedolaeth Carbon Cymru

Bwrdd Iechyd Prifysgol Caerdydd a’r Fro

Fforwm Gofal Cymru

Gyrfa Cymru

Gofalwyr Cymru

CBI Cymru

Sefydliad Siartredig y Cyfrifwyr Rheoli

Cymdeithas Siartredig y Ffisiotherapyddion

Plant yng Nghymru

Comisiynydd Plant Cymru  

Chwarae Teg

Cyngor ar Bopeth Cymru

Clybiau Plant Cymru

Coleg y Therapyddion Galwedigaethol

Fferylliaeth Gymunedol Cymru

Cydffederasiwn Cludiant Teithwyr Cymru

Sgiliau Adeiladu

Llais Defnyddwyr Cymru

Cyswllt Teulu Cymru

Cymdeithas Tir a Busnesau Cefn Gwlad (CLA)

Cyngor Cefn Gwlad Cymru

Croesffyrdd Cymru: gofalu am ofalwyr

Cskills

Arolygiaeth Gofal a Gwasanaethau Cymdeithasol Cymru

Bwrdd Iechyd Cwm Taf

Cymorth Cymru

Cymru Yfory

Cymdeithas Pobl Fyddar Cymru

Anabledd Cymru

Plant Anabl yn Cyfri Cymru

Cymdeithas Ymddiriedolaethau Datblygu Cymru

Ymddiriedolaeth Arbed Ynni Cymru

Asiantaeth yr Amgylchedd Cymru

Y Comisiwn Cydraddoldeb a Hawliau Dynol

Estyn

Y Comisiwn Ewropeaidd

Undeb Amaethwyr Cymru

Comisiwn Coedwigaeth Cymru

Y Sefydliad Trafnidiaeth Cludo Nwyddau

Ffederasiwn Busnesau Bach Cymru

Y Ddraig Ffynci

Y Cyngor Deintyddol Cyffredinol

Y Cyngor Meddygol Cyffredinol

Undeb y GMB

Llywodraethwyr Cymru

Grayling

Hafal

Cyngor Cyllido Addysg Uwch Cymru

Addysg Uwch Cymru

Bwrdd Iechyd Hywel Dda

Y Cyd-gyngor er Lles Mewnfudwyr

Rhwydwaith Menywod o Leiafrifoedd Ethnig Cymru

Y Gwasanaeth Cynghori Ariannol

Undeb y Mamau yng Nghymru

Cymdeithas Genedlaethol y Prifathrawon

Cymdeithas Genedlaethol yr Ysgolfeistri ac Undeb yr Athrawesau (NASUWT)

Undeb Cenedlaethol yr Amaethwyr (NFU)

Gwasanaeth Cenedlaethol Rheoli Troseddwyr    

Y Parciau Cenedlaethol

Cymdeithas Nyrsys Babanod Newyddenedigol

Network Rail

Rhwydwaith Cydraddoldeb Hiliol Gogledd Cymru

NSPCC Cymru

Undeb Cenedlaethol y Myfyrwyr yng Nghymru

NUT Cymru

Comisiynydd Pobl Hŷn Cymru

Pakistan Association of Newport & Gwent Welsh Asian Council

Passenger Focus Cymru

Chwarae Cymru

Bwrdd Addysgu Iechyd Lleol Powys

Iechyd Cyhoeddus Cymru

Race Equality First

Llais Ffoaduriaid Cymru

Sefydliad Brenhinol y Syrfewyr Siartredig

Y Lleng Brydeinig Frenhinol

Coleg Brenhinol y Meddygon Teulu

Coleg Brenhinol y Bydwragedd

Coleg Brenhinol y Nyrsys

Coleg Brenhinol Ffisigwyr Caeredin

Coleg Brenhinol Ffisigwyr Llundain

Coleg Brenhinol Ffisigwyr a Llawfeddygon Glasgow

Y Gymdeithas Fferyllol Frenhinol

RSC

Y Samariaid

Achub y Plant Cymru

Sustrans

Talking2Minds

Cymdeithas Awtistiaeth Genedlaethol Cymru

Ymddiriedolaeth y Tywysog – Prince’s Trust Cymru

Tros Gynnal

TUC Cymru

Undeb Cenedlaethol Athrawon Cymru

Undeb Prifysgolion a Cholegau Cymru

UNSAIN Cymru

Undeb Unite

Ymddiriedolaeth GIG Felindre

Llais Cymru

Voices from Care

Cyswllt Amgylchedd Cymru

Cyngor Gweithredu Gwirfoddol Cymru

Ymddiriedolaeth GIG Gwasanaeth Ambiwlans Cymru

Conffederasiwn GIG Cymru

Cymorth i Fenywod Cymru

Cymdeithas Llywodraeth Leol Cymru